Мадриднинг «Атлетико» клубига янги қўшилган Жонатан Дэвид «Метрополитано» стадионида таништирилди. Канадалик ҳужумчи янги жамоасига сотиб олиш имконияти билан ижара асосида қўшилди.

«Бу буюк клуб ва мен бу рангларни ҳимоя қилишдан жуда фахрланаман. Мен катта мақсадларга эга жамоага қўшилдим», — дея форварднинг сўзларини Marca келтиради.

«Атлетико» унинг трансферини сотиб олишни хоҳлаши учун нима қилиши кераклиги ҳақидаги саволга Дэвид қарорни у қабул қилмаслигини таъкидлади.

«Менимча, бу менинг қарорим бўлмайди. Мен қила оладиган ягона иш — гол уриш. Менинг бу жамоада ўйнаш учун етарли сифатларим бор, деб ўйлайман», — деди канадалик футболчи.

Клуб президенти янги футболчи ҳақида гапирар экан, Дэвид аввал «Атлетико» дарвозасини 9 марта ишғол қилганини эслатди.

Жонатан Дэвиднинг трансфер ҳуқуқлари «Ювентус»га тегишли.