Madridning «Atletiko» klubiga yangi qo‘shilgan Jonatan Devid «Metropolitano» stadionida tanishtirildi. Kanadalik hujumchi yangi jamoasiga sotib olish imkoniyati bilan ijara asosida qo‘shildi.

«Bu buyuk klub va men bu ranglarni himoya qilishdan juda faxrlanaman. Men katta maqsadlarga ega jamoaga qo‘shildim», — deya forvardning so‘zlarini Marca keltiradi.

«Atletiko» uning transferini sotib olishni xohlashi uchun nima qilishi kerakligi haqidagi savolga Devid qarorni u qabul qilmasligini ta’kidladi.

«Menimcha, bu mening qarorim bo‘lmaydi. Men qila oladigan yagona ish — gol urish. Mening bu jamoada o‘ynash uchun yetarli sifatlarim bor, deb o‘ylayman», — dedi kanadalik futbolchi.

Klub prezidenti yangi futbolchi haqida gapirar ekan, Devid avval «Atletiko» darvozasini 9 marta ishg‘ol qilganini eslatdi.

Jonatan Devidning transfer huquqlari «Yuventus»ga tegishli.