Лондоннинг «Арсенал» клуби мураббийлар штабида фаолият юритаётган Габриэль Хайнце «Интер» ҳужумчиси Лаутаро Мартинесни жамоага олиб келишга уринган.
Transfer News Live нашри Daily Mail маълумотига таяниб хабар беришича, Микель Артетанинг 48 ёшли ёрдамчиси ўтган ҳафта «Интер» сардори билан боғланиб, унинг Лондонга эҳтимолий трансфери масаласини муҳокама қилган.
Бироқ музокаралар аниқ босқичгача етиб бормаган. Лаутаро «Интер»да қолган, «Арсенал» эса трансфер ойнаси ёпилгунига қадар ҳужум чизиғини кучайтира олмаган.
Маълумотларга кўра, «Арсенал»нинг асосий трансфер мақсади бошқа аргентиналик ҳужумчи — Мадриднинг «Атлетико» клуби футболчиси Хулиан Альварес бўлган.
