«Милан» футболчиси Лука Модрич фаолиятини якунлаганидан кейин Мадриднинг «Реал» клубига қайтишни исташини маълум қилди.
Хорватиялик ярим ҳимоячининг «Милан» билан амалдаги шартномаси 2027 йилнинг ёзига қадар мўлжалланган. 9 сентябрь куни Модрич 41 ёшни қарши олади.
«Реал» — менинг уйим ва мен у ерга қайтишни истайман. Мен доимо мадридчи бўлиб қоламан. «Реал» — дунёдаги энг буюк клуб.
Мадрид менга ҳамма нарсани берди. Мен қайтиб, клубга фойдам тегишини, ёрдам беришни хоҳлайман. Мен «Реал»да ишлашни эмас, балки Жозе Моуринью айтганидек, «Реал» учун ишлашни истайман», — деди Модрич.
Лука Модрич 2012 йилдан 2025 йилгача «Реал» шарафини ҳимоя қилган.
