«Ньюкасл»нинг 21 ёшли ҳимоячиси Льюис Холл ҳамон «Манчестер Юнайтед» қизиқишлари доирасида қолмоқда. Бу ҳақда TEAMtalk хабар берди.
Манба маълумотига кўра, «қизил иблислар» ўтган ёзда амалга ошмаган трансфердан кейин ҳам англиялик футболчини кузатишда давом этмоқда ва уни 2027 йилда ўз сафига қўшиб олишни режалаштирмоқда.
Бироқ «Ньюкасл» Холлни қўйиб юбориш ниятида эмас. «Қарғалар» ҳимоячига яхшиланган шартлар асосида янги шартнома таклиф қилишни режалаштирмоқда.
Льюис Холлнинг «Ньюкасл» билан амалдаги келишуви 2029 йилнинг ёзига қадар мўлжалланган.
Transfermarkt портали футболчининг бозор қийматини 40 миллион еврога баҳоламоқда.
