«Nyukasl»ning 21 yoshli himoyachisi Lyuis Xoll hamon «Manchester Yunayted» qiziqishlari doirasida qolmoqda. Bu haqda TEAMtalk xabar berdi.

Manba ma’lumotiga ko‘ra, «qizil iblislar» o‘tgan yozda amalga oshmagan transferdan keyin ham angliyalik futbolchini kuzatishda davom etmoqda va uni 2027 yilda o‘z safiga qo‘shib olishni rejalashtirmoqda.

Biroq «Nyukasl» Xollni qo‘yib yuborish niyatida emas. «Qarg‘alar» himoyachiga yaxshilangan shartlar asosida yangi shartnoma taklif qilishni rejalashtirmoqda.

Lyuis Xollning «Nyukasl» bilan amaldagi kelishuvi 2029 yilning yoziga qadar mo‘ljallangan.

Transfermarkt portali futbolchining bozor qiymatini 40 million yevroga baholamoqda.