«Ювентус» янги футболчиси Папе Матар Сарр жамоанинг сўнгги машғулотида иштирок этмади, дея хабар бермоқда Talk Juve.
Сенегаллик яримҳимоячи клуб билан шартнома имзолаган бўлса-да, унинг трансфери бўйича айрим расмийлаштириш жараёнлари ҳали якунланмаган.
Calciomercato нашри маълум қилишича, Сарр шартнома имзолаганидан сўнг Лондонга қайтган ва жамоа билан машғулотларга қўшилишидан олдин бир нечта расмий масалани ҳал қилиши керак.
Унинг машғулотда қатнашмагани жароҳат ёки трансфер билан боғлиқ муаммо туфайли эмас, балки ҳали якунланмаган расмий жараёнлар билан изоҳланмоқда.
Бош мураббий Лучано Спаллетти Саррдан ўзини кўрсатишини кутмоқда, чунки футболчининг машғулот ва ўйинлардаги кўрсаткичлари унинг жамоадаги ўрнини белгилаб беради.
