"Лидс Юнайтед" ҳимоячиси Жо Родон жароҳати туфайли узоқ муддатга сафдан чиқди. 28 ёшли уэльслик футболчи Премьер-лиганинг "Брентфорд"га қарши ўйинининг биринчи ярмида жароҳат олди.
"Ёмон хабар. Унинг сон мушакларидан жиддий жароҳати бор ва у саккиз-ўн ҳафта давомида сафдан чиқди. У кейинги халқаро танаффусгача ўйнамайди ва ундан кейинги дастлабки бир нечта ўйинларни ўтказиб юбориши мумкин. Бу биз учун катта зарба, чунки у муҳим ўйинчи", - деди "Лидс" менежери Даниэль Фарке.
Родон 2023 йилдан бери "Лидс"да ўйнайди ва клуб сафида барча мусобақаларда 139 та ўйинда майдонга тушган. Август ойида ҳимоячи жамоа билан шартномасини яна тўрт йилга узайтирди.
