«ПСЖ» бош мураббийи Луис Энрике янги мавсум бошида жамоа таркибининг салоҳияти ҳақида фикр билдирди.
«Бизда фантастик жамоа бор. Чемпионлар лигаси финалида иштирок этган асосий футболчиларни йўқотмадик ва тажрибали, ёш футболчилар билан таркибимизни кучайтирдик. Бундай уйғунлик муваффақият олиб келиши мумкин, аммо буни майдонда исботлаш муҳим. Биз камтар бўлиб қолишимиз керак. Олдинги мавсумларда бўлгани каби, қийин бўлишини биламиз», — деди Энрике матбуот анжуманида.
Жума куни парижликлар Лига 1нинг 3-турида ўз майдонида «Монако»ни қабул қилади. Учрашув Тошкент вақти билан соат 00:05 да бошланади.
