Грузиялик ярим ҳимоячи Андрия Бартішвили Англия Премьер-лигасининг амалдаги чемпиони "Арсенал"га ўтишга яқин. Бу ҳақда инсайдер Фабрицио Романо хабар берди.
Манба маълумотига кўра, футболчи тиббий кўрикдан муваффақиятли ўтган ва томонлар трансфернинг барча асосий шартларини келишиб олган.
Бартішвили келаси йил ёзда, 18 ёшга тўлгач, "канонирлар" сафига қўшилади.
Айни пайтда у "Иберия 1999" жамоасида ижара асосида тўп сурмоқда. Футболчининг амалдаги шартномаси жорий йил декабрь ойи охирига қадар мўлжалланган.
Бартішвилининг бозор қиймати 1,5 миллион евро атрофида баҳоланмоқда.
