"Реал" афсонаси ва Испания терма жамоасининг собиқ сардори Серхио Рамос "Барселона" ҳимоячиси Пау Кубарси ҳақида жуда илиқ фикр билдирди.
Тажрибали марказий ҳимоячи 19 ёшли футболчининг майдондаги хотиржамлиги ва босим остида тўғри қарор қабул қила олиш қобилиятини алоҳида таъкидлади.
"Кубарсининг ўйини менга жуда ёқади. Мени энг кўп ҳайратга соладиган жиҳат — унинг хотиржамлиги. Унинг ёшида шунчалик ишонч билан ўйнаш ва бундай етук қарорлар қабул қилиш мутлақо оддий ҳол эмас", — деди Рамос.
Ундан Кубарси унинг фаолият йўлини такрорлаши мумкинми, деб сўрашганда, испаниялик собиқ футболчи тўғридан-тўғри таққослашдан қочди.
"Мен Кубарси янги Серхио Рамос бўлишини истамайман. У Пау Кубарсининг энг яхши версияси бўлишини хоҳлайман. Унда алоҳида нимадир бор ва ҳали жуда катта ўсиш имкониятига эга.
Агар у ишлашда давом этса, камтарлигини сақласа ва ривожланишга бўлган иштиёқини йўқотмаса, дунёнинг энг яхши марказий ҳимоячиларидан бири бўлиш учун унда ҳамма нарса бор.
Умид қиламанки, бир кун келиб Испаниянинг буюк ҳимоячилари ҳақида гапирганимизда, Пау Кубарси ҳам энг яхшилар қаторида тилга олинади", — деди Рамос.
