"Ковентри" бош мураббийи Фрэнк Лэмпард "Манчестер Сити"га қарши бўлажак учрашув олдидан фикрларини билдирди.
Англиялик мутахассис учун бу ўйин алоҳида аҳамиятга эга. Лэмпард футболчилик фаолиятининг сўнгги йилларидан бирини "Манчестер Сити" сафида ўтказган ва собиқ клуби билан боғлиқ яхши хотиралари борлигини яширмади.
"Манчестер Сити"га илиқ муносабатдаманми? Ҳа. Мен у ерда ажойиб бир йил ўтказдим. Бу ажойиб футбол клуби. У ерга яна қайтишдан жуда хурсандман, чунки бу жой билан боғлиқ яхши хотираларим бор.
Биз учун бу жиддий синов бўлади. Шу билан бирга, нимага қодир эканимизни текшириб кўриш учун яхши имконият", — деди Лэмпард матбуот анжуманида.
"Манчестер Сити" — "Ковентри" учрашуви 5 сентябрь куни бўлиб ўтади.
