«ПСЖ» ярим ҳимоячиси Жоау Невеш Франция чемпионатининг 3-турида «Монако»дан учралган 1:2 ҳисобидаги мағлубиятга муносабат билдирди.

«Бу жуда оғир ўйин бўлди. Бугун мен «Пари Сен-Жермен» сафидаги 100-учрашувимни ўтказдим, аммо афсуски, ғалаба қозона олмадик.

Доим айтганимдек, жамоа ҳар қандай алоҳида футболчидан муҳимроқ. Шунинг учун бугун мен бахтли бўла олмайман.

Қандай ўйнаганимиздан фахрланаман, аммо «Монако» — таркибида кўплаб сифатли футболчилар бор жуда кучли жамоа. Биз ўз ўйинимизга эътибор қаратишга ҳаракат қилдик ва буни уддаладик, аммо кўпроқ гол ура олмадик.

Клубга келганимдан бери мухлисларимиз келмаган бирорта ўйинни эслай олмайман. Улар ақл бовар қилмас даражада ажойиб, ҳаётимда кўрган энг яхши мухлислар. Жуда афсус, чунки улар бизни қўллаб-қувватлаш учун келишди, биз эса уларга ғалаба совға қила олмадик», — деди Невеш клуб матбуот хизматига.

«Монако» 3 та ўйинда 3 та ғалаба қозониб, 9 очко билан Лига 1 турнир жадвалида пешқадам бўлиб турибди. «ПСЖ» эса 2 очко билан 12-ўринни эгаллаб турибди.