Украиналик дарвозабон Анатолий Трубин яқин вақт ичида Лиссабоннинг "Бенфика" клубини тарк этмайди. Бу ҳақда жамоа бош мураббийи Марку Силва маълум қилди.
"Трубин қолади", — деди мутахассис клуб расмий сайтига.
Қайд этилишича, Португалияда ёзги трансфер ойнаси 15 сентябрга қадар очиқ бўлади.
Аввалроқ ОАВда 25 ёшли голкиперга Лондоннинг "Тоттенхэм" ва Туриннинг "Ювентус" клублари қизиқиш билдираётгани ҳақида хабарлар тарқалган эди.
Трубин 2023 йил августидан буён "Бенфика" сафида тўп тепмоқда. Унинг клуб билан амалдаги шартномаси 2028 йил июнь ойи охиригача мўлжалланган.
Transfermarkt портали футболчининг бозор қийматини 25 миллион еврога баҳоламоқда.
