«Депортиво» ҳужумчиси Пьер-Эмерик Обамеянг Испания чемпионатида янги мавсумни жуда яхши бошлади.

Габонлик футболчи «оқ-кўклар»нинг сафарда «Вильярреал»ни 3:2 ҳисобида мағлуб этишига катта ҳисса қўшди. У мазкур баҳсда бир гол урди ва иккита голли узатма амалга оширди.

37 ёшли ҳужумчи жорий Ла Лига мавсумида 4 та гол ва 2 та ассист қайд этган. Шу тариқа, у умумий натижавий ҳаракатлар бўйича «Барселона» футболчиси Рафинья Диас ва «Райо Вальекано» ҳужумчиси Серхио Камельо билан бирга пешқадамлик қилмоқда. Рафинья ва Камельо ҳисобида 5 тадан гол ҳамда 1 тадан голли узатма бор.

Пьер-Эмерик Обамеянг июль ойида Франциянинг «Марсель» клубидан «Депортиво»га ўтган эди.

Галисия клуби жорий мавсумга қадар саккиз йил давомида Испаниянинг юқори дивизионида иштирок этмаган.