«Манчестер Сити» ҳужумчиси Эрлинг Холанд узун сочларини олдиришга қарор қилганидан кейин кучини йўқотиб қўйишдан қўрқмаган-қўрқмагани ҳақида гапирди.
— Тан олишим керак, бироз хавотирландим. Златан [Ибраҳимович] мени бир неча марта огоҳлантирганидан кейин, бироз қўрқиб ҳам кетдим! Аммо ҳозирча ҳаммаси анча яхши кетяпти.
— Бутун дунё бир саволни беряпти: бу шунчаки ҳиссиётга берилиб қабул қилинган қарормиди? Бир куни уйғониб, сочингизни олдиришга қарор қилдингизми ёки буни аввалдан режалаштирганмидингиз?
— Бу ҳақда анча вақтдан бери ўйлаб юрардим, аммо атрофимдагилар мени бу фикримдан қайтаришга ҳаракат қилишарди. Улар менинг аввалгидек кўринишимни хоҳлашарди. Аммо энди вақти келганини ҳис қилдим. Жаҳон чемпионатида сочимни олдиришни зарур деб ҳисобладим. Энди эса уларни яна ўстиришимга тўғри келади, — дея Холанднинг сўзларини Viaplay журналисти Ян-Оге Фьёртофт ижтимоий тармоқдаги X саҳифасида келтирган.
