«Manchester Siti» hujumchisi Erling Xoland uzun sochlarini oldirishga qaror qilganidan keyin kuchini yo‘qotib qo‘yishdan qo‘rqmagan-qo‘rqmagani haqida gapirdi.

— Tan olishim kerak, biroz xavotirlandim. Zlatan [Ibrahimovich] meni bir necha marta ogohlantirganidan keyin, biroz qo‘rqib ham ketdim! Ammo hozircha hammasi ancha yaxshi ketyapti.

— Butun dunyo bir savolni beryapti: bu shunchaki hissiyotga berilib qabul qilingan qarormidi? Bir kuni uyg‘onib, sochingizni oldirishga qaror qildingizmi yoki buni avvaldan rejalashtirganmidingiz?

— Bu haqda ancha vaqtdan beri o‘ylab yurardim, ammo atrofimdagilar meni bu fikrimdan qaytarishga harakat qilishardi. Ular mening avvalgidek ko‘rinishimni xohlashardi. Ammo endi vaqti kelganini his qildim. Jahon chempionatida sochimni oldirishni zarur deb hisobladim. Endi esa ularni yana o‘stirishimga to‘g‘ri keladi, — deya Xolandning so‘zlarini Viaplay jurnalisti Yan-Oge Fyortoft ijtimoiy tarmoqdagi X sahifasida keltirgan.