«Бавария» бош директори Ян-Кристиан Дрезен Мюнхен клубига Германия чемпионатида юқори даражадаги рақобат кераклигини таъкидлади.

«Рақобат биз учун наиҳоятда фойдали ва лигада жиддий чорловларга эга бўлишимиз шарт.

Пеп Гвардиола даврини жуда яхши эслайман. 2015 йилда «Аугсбург»га қарши ўйнагандик. Мусобақанинг қайси тури экани аниқ ёдимда йўқ, аммо биз Чемпионлар лигасининг ярим финалига чиқиб бўлгандик ва у «Аугсбург»га қарши иккинчи таркибни майдонга туширди. Биз, табиийки, ютқаздик — кейин эса Чемпионлар лигаси ярим финалида ҳам мағлубиятга учрадик.

Менимча, тизим бундай ишламайди. Бундай нарсаларни олдиндан аниқ ҳисоб-китоб қилиб бўлмайди деб ўйлайман. Шунингдек, футболчилар АПЛ ва Чемпионлар лигасида айнан керакли вақтда спорт формасининг энг юқори нуқтасига чиқиб, 100% куч билан ўйнаши учун юкламаларни бу қадар мукаммал бошқариб бўлишига ҳам ишонмайман.

Шу сабабли рақобат бизга фақат ва фақат фойда келтиради. У бизни янада яхшироқ тўп суришга мажбур қилади», — деди Дрезен.