«Bavariya» bosh direktori Yan-Kristian Drezen Myunxen klubiga Germaniya chempionatida yuqori darajadagi raqobat kerakligini ta’kidladi.

«Raqobat biz uchun naihoyatda foydali va ligada jiddiy chorlovlarga ega bo‘lishimiz shart.

Pep Gvardiola davrini juda yaxshi eslayman. 2015 yilda «Augsburg»ga qarshi o‘ynagandik. Musobaqaning qaysi turi ekani aniq yodimda yo‘q, ammo biz Chempionlar ligasining yarim finaliga chiqib bo‘lgandik va u «Augsburg»ga qarshi ikkinchi tarkibni maydonga tushirdi. Biz, tabiiyki, yutqazdik — keyin esa Chempionlar ligasi yarim finalida ham mag‘lubiyatga uchradik.

Menimcha, tizim bunday ishlamaydi. Bunday narsalarni oldindan aniq hisob-kitob qilib bo‘lmaydi deb o‘ylayman. Shuningdek, futbolchilar APL va Chempionlar ligasida aynan kerakli vaqtda sport formasining eng yuqori nuqtasiga chiqib, 100% kuch bilan o‘ynashi uchun yuklamalarni bu qadar mukammal boshqarib bo‘lishiga ham ishonmayman.

Shu sababli raqobat bizga faqat va faqat foyda keltiradi. U bizni yanada yaxshiroq to‘p surishga majbur qiladi», — dedi Drezen.