Испания терма жамоаси ва «ПСЖ» ярим ҳимоячиси Фабиан Руис мавсумнинг энг яхши футболчисига бериладиган «Олтин тўп» мукофотига муносибман деб ҳисоблайди.
«Жамоавий даражада мен ҳамма нарсани ютиб бўлдим! Жамики қилган меҳнатларимдан сўнг менга фақат ягона индивидуал соврин — «Олтин тўп» камлик қилмоқда. Бу менга лойиқ бўлган эътирофни тақдим этган бўларди», — деди Руис Telefoot нашрига.
Ортда қолган мавсум якунларига кўра, 30 ёшли футболчи «ПСЖ» таркибида Чемпионлар лигасида ва Франция чемпионатида ғолиб чиқди. Испания терма жамоаси сафида эса Руис жаҳон чемпионига айланди.
Ўтган мавсумда ярим ҳимоячи «ПСЖ» сафида барча мусобақаларда 34 та ўйин ўтказиб, иккита гол урди ва бешта голли узатмани амалга оширди. Жаҳон чемпионатида эса у саккизта ўйинда майдонга тушиб, битта гол муаллифига айланди.
