"Барселона" бош мураббийи Ханс-Дитер Флик Испания лигасининг тўртинчи турида "Валенсия"га қарши ўйин натижаси ҳақида фикр билдирди. Унинг жамоаси 5:0 ҳисобида ғалаба қозонди.

"Бу ажойиб ўйин бўлди. Биз ўйинни бошиданоқ назорат қилдик. Мен айнан шуни кўришни истайман", - дея Фликнинг сўзларини келтиради Marca нашри.

"Мен учун энг муҳими - бу уч очко. Албатта, бизда етарли маҳорат бор ва биз бўш жой топамиз. Биз паст блокга қарши яхши ҳужум қила оламиз. Буни кўриш яхши. Биз ўйинни назорат қила олдик, айниқса, бу ҳароратда.

Кубарсининг сариқ карточкаси? У бу қоидабузарликни амалга ошириши керак эди - бу содир бўлади. Буни қабул қилиш керак. Ҳакам ажойиб ўйин кўрсатди. 5:0 ҳисобида ҳужум қилишда давом этишимиз керакми ёки йўқми, билмайман. Балки биз ўйинни бироз кўпроқ назорат қилишимиз керак эди. Бизда ҳали кўп ўйинлар бор, шунинг учун иложи борича кучимизни тежашимиз керак", - дея хулоса қилди мураббий.

"Барселона" мумкин бўлган 12 очкодан 12 очко билан лига жадвалида биринчи ўринда.