«Ливерпуль»нинг собиқ футболчиси Жейми Каррагер «Арсенал» ҳужумчиси Кай Хаверц ҳақида фикр билдирди. Немис футболчиси АПЛнинг 7-турида «Челси»га қарши ўтган ва 2:1 ҳисобида якунланган учрашувда гол урди.

«Хаверцни асосий таркибдан чиқариш учун дунёнинг энг яхши футболчиларидан бири бўлиш керак. Бу Иан Райт ёки Тьерри Анри даражасидаги, бир мавсумда кафолатланган тарзда 30 та гол ура оладиган ҳужумчи бўлиши лозим.

Дьёкереш ҳам, Рожерс ҳам ҳеч қачон Хаверцнинг ўрнини эгаллай олмайди. Масала уларнинг ҳужумда жамоага нима бера олишидагина эмас, балки бутун жамоа учун қанчалик фойдали эканида.

«Арсенал»га қарши ўйнаш нега бу қадар қийин эканининг сабабларидан бири — жамоа олдинги чизиқдан жуда яхши прессинг қилади. Ҳатто рақиб бу прессингдан чиқиб кетганида ҳам, бутун жамоа орқага қайтади ва тўп чизиғи ортига ўтади. Хаверц эса бундай пайтда ўз дарвозасидан атиги 23–27 метр узоқликда бўлади.

Жаҳон даражасидаги ҳужумчидан худди шундай ишни талаб қилиб кўринг — у бунга рози бўлмайди», — дея Каррагернинг сўзларини Sky Sports келтирди.

«Арсенал» 9 очко билан турнир жадвалида 2-ўринда бормоқда. Худди шунча очкога эга «Манчестер Сити» эса қўшимча кўрсаткичлар бўйича пешқадамлик қилмоқда.