«Манчестер Юнайтед» бош мураббийи Майкл Кэррик АПЛда «Эвертон»га қарши 2:2 ҳисобида якунланган учрашувда Маркус Рэшфорд нега алмаштирилганини тушунтирди.
Якшанба куни «Хилл Дикинсон» стадионида ўтган баҳснинг 70-дақиқасида Кэррик Рэшфордни майдондан олди ва унинг ўрнига Патрик Доргуни туширди.
Мутахассиснинг айтишича, гап жиддий жароҳат ҳақида кетмаяпти. Рэшфордда енгил ноқулайлик пайдо бўлган ва мураббийлар штаби футболчининг соғлиғини хавф остига қўймасликка қарор қилган.
«У бироз ноқулайлик сезди, шунинг учун уни алмаштиришга мажбур бўлдик.
Ўйиннинг турли паллаларида майдоннинг деярли барча қисмларида яхши ўзаро ҳаракат қилдик. Маркус ва Люк Шоу узоқ вақтдан бери бирга ўйнайди ва бир-бирини жуда яхши тушунади.
Кўрганингиздек, улар ўз қанотида жуда хавфли ҳаракат қилди. Бу эса ҳали бошланиши, холос», — дея Кэррикнинг сўзларини Sky Sports келтирди.
