«Manchester Yunayted» bosh murabbiyi Maykl Kerrik APLda «Everton»ga qarshi 2:2 hisobida yakunlangan uchrashuvda Markus Reshford nega almashtirilganini tushuntirdi.
Yakshanba kuni «Xill Dikinson» stadionida o‘tgan bahsning 70-daqiqasida Kerrik Reshfordni maydondan oldi va uning o‘rniga Patrik Dorguni tushirdi.
Mutaxassisning aytishicha, gap jiddiy jarohat haqida ketmayapti. Reshfordda yengil noqulaylik paydo bo‘lgan va murabbiylar shtabi futbolchining sog‘lig‘ini xavf ostiga qo‘ymaslikka qaror qilgan.
«U biroz noqulaylik sezdi, shuning uchun uni almashtirishga majbur bo‘ldik.
O‘yinning turli pallalarida maydonning deyarli barcha qismlarida yaxshi o‘zaro harakat qildik. Markus va Lyuk Shou uzoq vaqtdan beri birga o‘ynaydi va bir-birini juda yaxshi tushunadi.
Ko‘rganingizdek, ular o‘z qanotida juda xavfli harakat qildi. Bu esa hali boshlanishi, xolos», — deya Kerrikning so‘zlarini Sky Sports keltirdi.
