«Арсенал» дарвозабони Давид Райя жамоанинг мавсум бошидаги муваффақиятлари унга қўшимча ишонч бераётганини айтди.

«Арсенал» Англия чемпионатининг янги мавсумини кетма-кет учта ғалаба билан бошлади. Бундан олдин эса жамоа Англия Суперкубогида «Манчестер Сити»ни мағлуб этган эди.

«Бу учта ўйиндан кейин, айниқса, Англия Суперкубогида «Манчестер Сити» устидан қозонилган ғалабадан сўнг... Биз қандай ўйнаганимиз ўзимиз хоҳлаган футболни давом эттириш учун қўшимча мотивация ва ишонч бермоқда», — дея Райянинг сўзларини Daily Mail келтирди.

«Биз бу лигада исталган жамоани мағлуб эта олишимизни биламиз. Фақат ҳозирги лаҳзага эътибор қаратиб, бугунги кун билан яшашимиз керак. Мен ўзимдан янада кўпроқ нарса талаб қилмоқчиман», — қўшимча қилди дарвозабон.

«Арсенал»нинг навбатдаги учрашуви 9 сентябрь куни бўлиб ўтади. «Канонирлар» Чемпионлар лигаси доирасида «Наполи»га қарши майдонга тушади.