"Барселона" ҳимоячиси Эрик Гарсия жамоадоши Родри билан тўқнашувдан кейин бурнини синдириб олди.
Испаниянинг Sport нашри маълумотига кўра, каталонияликлар футболчининг жароҳати унинг майдонга тушишига тўсқинлик қилмаслигини билиб, енгил тортишган.
Гарсия яқин вақт ичида вазиятни оғирлаштирмаслик учун махсус ҳимоя ниқобида ўйнайди.
Душанба куни ҳимоячи ниқобда машғулот ҳам ўтказди. Унинг якшанба куни сафарда "Леванте"га қарши ўйинда майдонга тушиши кутилмоқда.
Бироқ Гарсия чоршанба куни Чемпионлар лигасида "Фейеноорд"га қарши баҳсни ўтказиб юборади. Бу жароҳат билан эмас, балки дисквалификация билан боғлиқ.
