"Barselona" himoyachisi Erik Garsiya jamoadoshi Rodri bilan to‘qnashuvdan keyin burnini sindirib oldi.
Ispaniyaning Sport nashri ma’lumotiga ko‘ra, kataloniyaliklar futbolchining jarohati uning maydonga tushishiga to‘sqinlik qilmasligini bilib, yengil tortishgan.
Garsiya yaqin vaqt ichida vaziyatni og‘irlashtirmaslik uchun maxsus himoya niqobida o‘ynaydi.
Dushanba kuni himoyachi niqobda mashg‘ulot ham o‘tkazdi. Uning yakshanba kuni safarda "Levante"ga qarshi o‘yinda maydonga tushishi kutilmoqda.
Biroq Garsiya chorshanba kuni Chempionlar ligasida "Feyenoord"ga qarshi bahsni o‘tkazib yuboradi. Bu jarohat bilan emas, balki diskvalifikasiya bilan bog‘liq.
