"Реал" ярим ҳимоячи Жуд Беллингем билан янги шартнома тузиш масаласини жиддий кўриб чиқмоқда. Англиялик футболчининг амалдаги келишуви 2029 йилга қадар мўлжалланган.
Рамон Альварес де Мон маълумотига кўра, Мадрид клуби Беллингемнинг шартнома масаласини олдиндан ҳал қилиш ва унинг жамоадаги муҳим ўрнини муносиб баҳолашни истамоқда.
Беллингем 2023 йилда "Боруссия Дортмунд"дан "Реал"га дастлабки 103 миллион евро эвазига кўчиб ўтган ва қисқа вақт ичида жамоанинг энг муҳим футболчиларидан бирига айланган.
23 ёшли ярим ҳимоячи жорий мавсумда "Реал"нинг барча 4 та учрашувини асосий таркибда бошлади. У 2 та гол ва 2 та голли узатма қайд этди ҳамда ҳар ўйинда ўртача 84 дақиқа майдонда ҳаракат қилди.
Жозе Моуринью қўл остида Беллингемнинг жамоадаги аҳамияти янада ортиши мумкин. Португалиялик мутахассис унга ҳужумда кўпроқ эркинлик бериб, ҳимоядаги вазифаларини камайтирган.
Хабарларга кўра, "Реал" Винисиус Жуниор билан боғлиқ шартнома музокаралари каби узоқ давом этадиган жараёндан қочишни истамоқда. Шу сабаб клуб Беллингемнинг келажагини амалдаги келишуви сўнгги йилига киришидан анча олдин ҳал қилишни режалаштирган.
