"Интер" сардори Лаутаро Мартинес Чемпионлар лигаси умумий босқичининг 1-турида "Реал"га қарши ўйин олдидан матбуот анжуманида фикр билдирди.
"Биз жуда кучли, таркибида юқори савияли футболчилар кўп бўлган жамоага қарши ўйнаймиз. Аммо бизнинг ҳам ўз кучли томонларимиз ва ҳар йили юқори даражада эканини исботлаб келаётган футболчиларимиз бор.
Энг муҳими — ўзимизнинг энг яхши ўйинимизни кўрсатиш. Биз кимга қарши ўйнаётганимизни яхши биламиз", — деди Лаутаро.
У, шунингдек, Килиан Мбаппе ҳақида ҳам тўхталди.
"Вақтимиз кам бўлганига қарамай, бу ўйинга яхши тайёрландик. Дунёнинг энг яхши ҳужумчиларидан бири бўлган Мбаппега қарши ўйнашга ҳам тайёрмиз", — деди аргентиналик футболчи.
"Реал" — "Интер" учрашуви 8 сентябрь куни бўлиб ўтади.
