Жорий йилнинг 28-29 сентябрь кунлари Қозоғистоннинг Алмати шаҳрида дзюдо кураши бўйича Гран-При туркумига кирувчи халқаро турнир ўтказилади.

Мазкур мусобақада 18 давлатдан 185 нафар (11 нафар эркаклар, 70 нафар хотин-қизлар) спортчи ғолиблик учун татамида бел олишадилар.

Ўзбекистон дзюдо федерациясидан маълум қилинишича, мазкур Гран-При турнирида Ўзбекистон шарафини 12 нафар полвон ҳимоя қилади. Алматига йўл оладиган таркибдан асосан умидли ёшларимиз ўрин эгаллаган бўлиб, уларнинг аксарияти учун ушбу мусобақа ўзига хос маҳорат мактаби вазифасини ўташи билан бирга, шу йилнинг 4-6 октябрь кунлари Тошкентда бўлиб ўтадиган навбатдаги Гран-При турнири олдидан тайёргарлик босқичи сифатида ҳам хизмат қилади.

Қуйида Алматида ўтказиладиган Гран-При турнирида Ватанимиз шарафини ҳимоя қиладиган спортчилар рўйхати берилган:
-60 кг. Миржон Тўхтаев ва Баҳром Иноятов
-66 кг. Ойбек Ашуров ва Рифат Рахматиллаев
-73 кг. Алишер Худойбердиев
-81 кг. Шуҳратжон Арслонов ва Рустам Саидов
-90 кг. Камолиддин Холматов ва Хуршид Набиев
-100 кг. Ўткир Қурбонов ва Бобур Амирҳамзаев
+100 кг. Дилмурод Маҳмудов