Испания миллий жамоасининг собиқ ҳужумчиси, ҳозирда «Леганес»да тўп сураётган Альваро Мората Родри Эрнандеснинг «Барселона»га ўтишига аввалдан ишонганини айтди.

30 ёшли ярим ҳимоячи август ойида «Манчестер Сити»дан Каталония клубига ўтган эди.

«Родрининг «Барса»га ўтишига ишончим комил эди. У бу жамоага жуда мос тушади, қолаверса, барча жамоадошларини танийди. Уни «Барселона»да тасаввур қилиш мен учун осон эди», — дея Моратанинг сўзларини келтиради «Barca Universal» нашри.

Родри «Барселона» сафида ҳозиргача учта учрашув ўтказди. У яқинда «Валенсия» устидан 5:0 ҳисобида ғалаба қозонилган баҳсда илк бор Ханс-Дитер Флик жамоасининг бошланғич таркибида майдонга тушди.