Таниқли спорт журналисти Пирс Морган «Арсенал» ҳужумчиси Виктор Дьёкерешнинг Лондон клубидан амалга ошмай қолган кетиши ҳақида гапирди.

«Дьёкереш мавсум бошида жуда кам ўйнаяпти. Менга уни атайлаб захира ўриндиғида ушлаб туришганини айтишди. Клуб Викторни Альваресга алмаштиришни истаган, аммо келишув амалга ошмаган.

Ҳозир Дьёкереш ўзига нисбатан бундай муносабатдан ниҳоятда ғазабда. У буни ҳурматсизлик деб ҳисобламоқда», — дея Морганнинг сўзларини келтиради Metro.

Дьёкереш жорий мавсум Англия Премьер-лигасида бор-йўғи битта учрашувда майдонга тушди ва голли ҳаракатни амалга оширмади.

Швециялик ҳужумчининг «Арсенал» билан шартномаси 2030 йил июнь ойи охиригача мўлжалланган. Унинг бозор қиймати 65 миллион еврога баҳоланмоқда.