«Реал» қанот ҳужумчиси Винисиус Жуниор янги мавсумни бир маромда бошлай олмаганидан кейин ўзининг энг яхши ўйинини тиклашга бел боғлаган.

Бразилиялик футболчи Ла Лиганинг дастлабки тўртта учрашувида битта гол урди ва иккита голли узатмани амалга оширди. Шунингдек, у «Реал Бетис»га қарши баҳсда пенальти ишлаб олди.

Бу кўрсаткичлар ёмон эмас, аммо «Реал»нинг асосий юлдузларидан бири бўлган Винисиусдан кутилаётган даражани ҳали тўлиқ акс эттирмаяпти. Хабарларга кўра, ҳужумчи ўйин даражасини тиклаш устида ишламоқда ва энг яхши учрашувлари ҳали олдинда эканига ишонмоқда.

Винисиуснинг шартномаси 2032 йилгача узайтирилгани ҳам унга барқарорлик берди. Энди футболчи бутун эътиборини майдондаги ҳаракатларига қаратиши мумкин.

У икки мавсумдан буён совринсиз қолаётган «Реал»га йирик мукофотлар учун курашда ёрдам беришни мақсад қилган. Винисиус Чемпионлар лигасида яна ғолиб чиқиш истагини ҳам билдирган.

«Чемпионлар лигасидаги 16-соврин ҳам келади. Биз бунга тайёрмиз, бу — бизнинг мусобақамиз», — деган эди у аввалроқ.

Мавсум энди бошланган бир пайтда «Реал» бразилиялик юлдузи муҳим учрашувларга қадар ўзининг одатдаги тезкор ва ёрқин ўйинини тиклашига умид қилмоқда.