"ПСЖ" бош мураббийи Луис Энрике "Слован" (Братислава) бош мураббийи Яя Туре ҳақида фикр билдирди. Уларнинг клублари 9 сентябрь куни Чемпионлар Лигасининг биринчи ўйинида тўқнаш келишади.
"Мен уни "Барселона"дан эслайман. У шубҳасиз юқори даражадаги ўйинчи эди. Мен таҳлил қила олганимдан келиб чиқиб айтаманки, мураббий сифатида у ўйинини тўпни назорат қилиш атрофида қуришни афзал кўради. У "Барселона" ва "Манчестер Сити"даги фаолиятидан бери шу ўйин услубини сақлаб қолган", - деди Луис Энрике УЕФА расмий сайтига.
"Эртага унинг футбол ўйнашга бўлган аввалги иштиёқини сақлаб қолишини ёки ҳимоявий услубни афзал кўришини кўрамиз. Ўйин давом этар экан, биз мослашишимиз керак бўлади" - дея қўшимча қилди Энрике.
Ўйин Тошкент вақти билан соат 23:59 да бошланади.
