Италия А Сериясининг 3-турида "Сассуоло"га қарши 2:2 ҳисобидаги дурангдан сўнг "Болонья" бош мураббийи Доменико Тедеско ва клуб президенти Джо Сапуто қаттиқ интизомий жазоларга дуч келишди.
Тедеско ҳакамлар гуруҳига қаттиқ қаршилик кўрсатгани учун майдондан четлатилди, шундан сўнг у норозиликларини туннелда давом эттирди. Ҳакам ва тўртинчи ҳакамнинг расмий хабарларига кўра, мураббий лигада икки ўйинга дисквалификация қилинди ва 5000 евро миқдорида жаримага тортилди.
"Болонья" президенти Джо Сапуто стадион туннелида можарони давом эттирган ҳолда, майдон четидаги ҳакамларга нисбатан ҳақоратли сўзлар ишлатгани учун жазоланди. Интизомий органлар уни 30 сентябргача ўз вазифаларидан четлаштирди.
