«Фейеноорд» бош мураббийи Жованни ван Бронкхорст Чемпионлар лигасида «Барселона»га қарши ўйин олдидан рақибдан қўрқмаслигини таъкидлади.

Чемпионлар лигаси умумий босқичи 1-туридан ўрин олган учрашув 9 сентябрь куни «Камп Ноу» стадионида бўлиб ўтади.

«Бу осон ўйин бўлмайди. «Барса» мавсумни жуда яхши бошлади. Улар ҳар бир позицияда кучли. Биз учун жуда қийин бўлади. Тўп назоратини сақлаб қолишимиз керак. Бундай кучли жамоага қарши бу жуда мураккаб.

Олдимизда жуда қизиқарли синов турибди. Бу ерда эканимиз эса ўзимизнинг энг яхши даражамизни кўрсатишни исташимизни англатади. Футболчилар учун бу ўз тараққиётини намойиш этиш имконияти ҳамдир.

Бу мени қўрқитмайди, аксинча, синов сифатида қабул қиламан. Мен қўрқмаяпман, назаримда, бу ажойиб чақириқ.

Менга энг ёқадиган жиҳат — улар ҳамма кўришни истайдиган футболни намойиш этади: тўпни тез айлантиради, жуда тезкор ҳаракат қилади... Бу «Барселона» ДНКсига эга, ўзаро жуда яхши тушунишадиган жамоа. Одамлар уларнинг ўйинини томоша қилишни истайди.

Биз Чемпионлар лигасини ютишга қодир рақибга қарши ўйнаймиз», — деди ван Бронкхорст.