«Порту» бош мураббийи Франческо Фариоли «Манчестер Сити» биринчи бўлимнинг ўзидаёқ камчиликда қолиши керак эди, деб ҳисоблайди.

Чемпионлар лигаси учрашувининг 41-дақиқасида Марк Гехи тўпга етиб боришга уринар экан, Габриэль Вейга билан тўқнашиб, унинг бошига тирсаги билан зарба берди. «Порту» ярим ҳимоячиси юзини ушлаган ҳолда майдонга йиқилди ва қоний бошлади. Бош ҳакам Шимон Марчиняк «Ман Сити» ҳимоячисига карточка кўрсатмади ва вазият такрорини ҳам кўриб чиқмади.

«Мен кўрган ўйинларга асосланиб айтаманки, карточка кўрсатиш мумкин эди. Албатта, ўша вазиятда бу қизил карточка бўлиши керак эди.

Яна Гвардиол билан боғлиқ вазият бўлди. У сариқ карточкаси бор бўлса-да, ҳужумни тўхтатди. Иккинчи сариқ карточка ҳам бўлиши мумкин эди. Бу даражада, мусобақанинг бундай босқичида иккинчи бўлимни сон жиҳатидан устунликда — маълум бир пайтда 10 ёки ҳатто 9 кишига қарши ўтказиш имконияти ҳаммасини ўзгартириб юбориши мумкин эди», — деди Фариоли Amazon Prime эфирида.