Мадриднинг «Реал» клуби ярим ҳимоячиси Жуд Беллингем жамоа бош мураббийи Жозе Моуриньонинг иши ҳақида фикр билдирди.

Сешанба куни «қироллик клуби» Чемпионлар лигаси умумий босқичи биринчи тури доирасида ўз майдонида Миланнинг «Интер» жамоасини 2:1 ҳисобида мағлуб этди.

— Моуриньо билан ишлаш қандай? — деб сўради Петер Шмейхель Беллингемдан ўйиндан кейинги интервьюда.

— Ажойиб. У ва унинг мураббийлар штаби майдонда ҳам, майдон ташқарида ҳам стандартларни белгилаб беришди.

— Айнан қандай стандартларни назарда тутяпсан?

— Жамоага сингдирилаётган қадриятларни. Биз у биздан нимани кутаётганини тушунамиз, барчамиз бир мақсад сари ҳаракат қиляпмиз, — дея изоҳлади Беллингем.

Жозе Моуриньо июнь ойида «Реал»га қайтди. Аввалроқ португалиялик мутахассис клубда 2010 йилдан 2013 йилгача ишлаган.