«Реал» дарвозабони Тибо Куртуа Чемпионлар лигасининг 2026/2027 йилги мавсуми умумий босқичи 1-турида «Интер»га қарши ўйинда Хакан Чалханоглунинг хавфли жарима зарбасини қайтаргани ҳақида гапирди. Бельгиялик дарвозабон ушбу эпизодда жамоаси дарвозасини голдан сақлаб қолди. Учрашувда «Реал» 2:1 ҳисобида ғалаба қозонди.
«Чалханоглунинг жарима зарбаси? Рэшфорд ўтган «эл-класико»да менинг яқин бурчагимга гол урган эди. Бу яхши зарба бўлган, аммо мен дарвозанинг маркази томон бироз силжиб кетгандим.
Жаҳон чемпионатида Ламин Ямал менинг дарвозамга зарба берганида, яқин бурчакда қолдим ва голга йўл қўймадим. Бугун кечқурун ҳам худди шундай қилдим. Агар кимдир тўпни девор устидан ошириб гол урса, унга фақат олқишлаш мумкин. Аммо мен энди яқин бурчакни тарк этмайман», — деди Куртуа Movistar нашрига берган интервьюсида.
