Мадриднинг «Реал» клуби марказий ҳимоячиси Ибраима Конате жамоадоши Килиан Мбаппе бу йил «Олтин тўп»ни қўлга киритиши керак, деб ҳисоблайди.
Сешанба куни нуфузли индивидуал соврин учун 30 нафар номзод рўйхати эълон қилинди. «Реал» ҳужумчиси соврин учун асосий фаворитлардан бири ҳисобланмоқда.
«Мен «Олтин тўп»ни Мбаппега берган бўлардим. Аммо, ростини айтсам, биз кийиниш хонасида бу мавзуни муҳокама қилмаймиз», — деди Конате.
Килиан Мбаппе Чемпионлар лигаси умумий босқичи 1-турида Миланнинг «Интер» клубига қарши баҳсда «Реал»нинг 2:1 ҳисобидаги ғалабасига ҳисса қўшиб, «нерадзуррилар» дарвозасига биринчи голни урди.
«Олтин тўп» соҳиби 26 октябрь куни эълон қилинади.
