Бразилиялик ҳужумчи Габриэл Жезус Лондоннинг «Арсенал» клубидан «Барселона»га ўтишидан бироз олдин жамоадан алоҳида машғулот ўтказишига тўғри келганини айтди.

«Ростини айтсам, мен машғулотларда қатнашардим, «Арсенал» билан бутун мавсумолди тайёргарликни одатдагидек ўтказдим ва эҳтимол, кўп ўйнамаслигимни ёки аввалгидек кўп имкониятга эга бўлмаслигимни билардим. Аммо менга ҳеч ким ҳеч нарса айтмади. Мен профессионалман, табиийки, жамоа билан машғулот ўтказардим, кейин эса ҳеч қандай сабабсиз алоҳида машғулот ўтказа бошладим.

Мен машғулотларда бор кучим билан ишладим, юқори даражада яна ўйнаш имконияти пайдо бўлиб қолса, тайёр туришни истадим. Кейин эса ўтган ҳафтада барчаси жуда тез содир бўлди. Деку («Барселона» спорт директори) ва клуб президенти қўнғироқ қилишди, агентим ҳам ажойиб ишлади. Бир зумдаёқ бу ерга келиш имконияти пайдо бўлди ва мен рози бўлдим. Мана, ҳозир шу ердаман», — деди Жезус.