«Манчестер Сити» ҳужумчиси Эрлинг Холанд Чемпионлар лигасида яна ўзининг сермаҳсуллиги билан ажралиб турди.

26 ёшли норвегиялик форвард сешанба куни «Порту»га қарши учрашувда дубль қайд этиб, жамоасига 2:0 ҳисобидаги ғалабани таъминлади.

Бу голлар орқали Холанд Англия клублари сафида Чемпионлар лигасида урилган голлар сонини 36 тага етказди. Шу тариқа у Серхио Агуэро ва Дидье Дрогба билан бирга ушбу кўрсаткич бўйича иккинчи ўринни бўлишиб турибди. Англия клублари сафида энг кўп гол урган футболчи эса 46 та гол билан Муҳаммад Салоҳ ҳисобланади.

Холанд 2022 йил ёзида «Манчестер Сити»га қўшилган. У жамоа сафида барча турнирларда 203 та учрашув ўтказиб, 167 та гол урган.