«Арсенал» бош мураббийи Микель Артета жамоа сардори Мартин Эдегор ҳақида фикр билдирди. Айнан Эдегор Чемпионлар лигасида «Наполи»га қарши сафардаги ўйинда жамоасининг ягона голини урди. Лондонликлар минимал ҳисобда ғалаба қозонди.
«Эдегор натижага таъсир қиладиган голлари билан жамоага ёрдам бермоқда. Биз ҳужумчиларимиздан айнан шуни хоҳлаймиз — улар ўйин тақдирини ҳал қила олишлари керак. Бугун Эдегор буни уддалади. Аммо яратган имкониятларимиз сонини ҳисобга олсак, ғалабага бошқача йўл билан эришишимиз керак эди», — деди Артета TNT Sports нашрига.
«Арсенал» кейинги ўйинини 12 сентябрь, шанба куни Премьер-лигада сафарда «Сандерленд»га қарши ўтказади.
