«Ливерпуль» афсонаси Стивен Жеррард жамоанинг «Атлетико» устидан «Энфилд»да қозонган 2:1 ҳисобидаги ғалабасидан сўнг Алексис Мак Аллистернинг ажойиб ўйинини алоҳида таъкидлади.
«Менимча, унинг ўйини жуда юқори даражада бўлди. Футболинг сен учун гапирсин. Барқарорликни ва юқори савиядаги ўйинни намойиш эт. Ўз тажрибангни кўрсат. Халқаро даражадаги юқори савияли футболчи эканингни исботла. Бу клуб сени муносиб тарзда тақдирлайди», — деди Жеррард TNT Sports эфирида.
Аввалроқ Мак Аллистер «Ливерпуль» билан янги шартнома имзоланмаганидан жуда хафа бўлганини айтган эди. Шу билан бирга, 27 ёшли футболчининг амалдаги шартномаси тугашига ҳали икки йил қолган.
