«ПСЖ» ҳужумчиси Усман Дембеле Чемпионлар лигасида франциялик футболчилар орасида барча даврларнинг энг яхши тўпурарлари рўйхатида 5-ўринга кўтарилди.

Умумий босқичнинг 1-турида «Слован»га қарши ўйинда (6:1) парижликлар ҳужумчиси дубль қайд этиб, турнирдаги голлари сонини 29 тага етказди ва кўп ўтмай 30-голини ҳам урди. Шу тариқа у «Монако» ва «Ювентус»нинг собиқ ҳужумчиси Давид Трезегени ортда қолдирди.

Чемпионлар лигасида энг кўп гол урган франциялик футболчи — Карим Бензема. У турнирда 90 марта рақиблар дарвозасини ишғол қилган.

Франциялик футболчилар орасида кучли бешликдан Килиан Мбаппе (71 гол), Тьерри Анри (50) ва Антуан Гризманн (44) ҳам жой олган.