«Арсенал» ярим ҳимоячиси Мартин Эдегор Чемпионлар лигаси умумий босқичида «Наполи» устидан қозонилган ғалабадан сўнг ўз фикрларини билдирди.
«Голим ҳақида айтсам, тўп дарвозага қандай кирганини ҳатто кўрмадим. Яхши гол бўлди. Рақиб паст блокда ҳимояланаётганида бир пайт жарима майдони ташқарисидан зарба бериш маъқулдек туюлди ва бу қарор ўзини оқлади.
Биз ажойиб футбол намойиш этдик ва анча кўпроқ гол уришимиз керак эди. Шунга қарамай, асосий мақсадимизга эришдик.
Жуда яхши ўйнадик, кўплаб вазиятлар яратдик. Фақат якуний босқичда яна гол уриш учун бироз аниқлик етишмади. Аммо тўғри кайфиятни сақлаган ҳолда ўйинни давом эттирдик», — деди футболчи TNT Sports’га берган интервьюсида.
