«Атлетико» вингери Алекс Баэнага «Манчестер Сити» қизиқиш билдирмоқда, аммо мадридликлар футболчини сотишни режалаштирмаяпти.
Football Insider маълумотига кўра, «Манчестер Сити»да 25 ёшли испаниялик футболчининг ўйини юқори баҳоланмоқда ва у клубнинг трансфер рўйхатига киритилган.
Бироқ «Атлетико» яқин икки трансфер ойнасида Баэнани сотиш вариантини кўриб чиқмаяпти. Футболчининг 2030 йилгача амал қиладиган узоқ муддатли шартномаси ҳам мадридликларнинг позициясини мустаҳкамламоқда.
Баэна жорий мавсумда барча мусобақалар доирасида 5 та ўйинда майдонга тушиб, 3 та гол ва 1 та ассист қайд этди.
