Франциялик дарвозабонлар мураббийи Кристоф Лолликон «ПСЖ»нинг россиялик голкипери Матвей Сафоновнинг ўйини ҳақида фикр билдирди.
«Сафонов кўпинча яқин бурчакдан гол ўтказиб юборадими? Бундай зарбаларни қайтариш жуда қийин. Ҳужумчилар айёр ҳаракат қилади: улар дарвозабонлар учун жуда нозик ҳисобланган елка баландлигидаги ҳудудни нишонга олади.
Сафонов қўлларини орқага тортган ҳолатда туришига айрим мураббийлар ижобий қарайди. Чунки улар бу ҳолат қўлни силтаб, зарбага реакция қилиш учун имконият яратади, деб ҳисоблайди. Аммо мен бу фикрга қўшилмайман», — дея Лолликоннинг сўзларини L'Équipe нашри келтирди.
Жорий мавсумда 27 ёшли Сафонов барча мусобақалар доирасида олтита ўйинда майдонга тушиб, ўз дарвозасидан тўққизта гол ўтказиб юборди.
