«Наполи» ярим ҳимоячиси Кевин Де Брюйне «Арсенал»га қарши Чемпионлар лигаси учрашувидаги 0:1 ҳисобидаги мағлубиятдан сўнг ўзининг ўйини борасидаги танқидларга жавоб берди.

«Менимча, бу — ҳақиқий Де Брюйне. Мен ҳар доим ҳам ҳар бир учрашувда энг юқори даражамни кўрсата олмаслигим мумкин, аммо бугунги ўйинимдан қониқдим», — деди бельгиялик футболчи.

Де Брюйненинг таъкидлашича, «Арсенал»га қарши баҳсда «Наполи»да гол уриш учун имкониятлар бўлган, аммо жамоа улардан фойдалана олмаган.

«Биз яхши ҳаракат қилдик, вазиятлар яратдик, аммо якуний ҳаракатларда аниқлик етишмади. Бундай даражадаги рақибга қарши учрашувда бунинг учун жазоланишингиз мумкин», — деди у.