«Napoli» yarim himoyachisi Kevin De Bryuyne «Arsenal»ga qarshi Chempionlar ligasi uchrashuvidagi 0:1 hisobidagi mag‘lubiyatdan so‘ng o‘zining o‘yini borasidagi tanqidlarga javob berdi.

«Menimcha, bu — haqiqiy De Bryuyne. Men har doim ham har bir uchrashuvda eng yuqori darajamni ko‘rsata olmasligim mumkin, ammo bugungi o‘yinimdan qoniqdim», — dedi belgiyalik futbolchi.

De Bryuynening ta’kidlashicha, «Arsenal»ga qarshi bahsda «Napoli»da gol urish uchun imkoniyatlar bo‘lgan, ammo jamoa ulardan foydalana olmagan.

«Biz yaxshi harakat qildik, vaziyatlar yaratdik, ammo yakuniy harakatlarda aniqlik yetishmadi. Bunday darajadagi raqibga qarshi uchrashuvda buning uchun jazolanishingiz mumkin», — dedi u.